जतचे भूमिपुत्र डाॅ.अमोल यमगर यांचा राष्ट्रीय पातळीवर सन्मान; सर्व स्तरातून कौतुकाचा वर्षांव

जतवार्ता न्यूज नेटवर्क;
    जत येथील डाॅ. अमोल यमगर यांना नुकताच गुवाहाटी येथे भरविण्यात आलेल्या राष्ट्रीय परिषदेत अप्रेसिएशन अवाॅर्ड हा मानाचा पुरस्कार देण्यात आला. डाॅ. यमगर हे मूळचे जत येथील आहेत ते सद्या अंधेरी (पश्चिम) मुंबई येथे वास्तव्यास आहेत. मुंबई येथे  डाॅ.अमोलसॄ स्माॅल ॲनिमल हेल्थकेअर या नावाने स्वताचे क्लिनिक चालवितात.
    गेल्या दहा वर्षापासून ते या क्षेत्रात पाळीव प्राणी कुत्रा, मांजर, ससा, कासव व वन्य प्राण्यांवर  उपचार व यशस्वी शस्त्रक्रिया करतात. डाॅ.अमोल यांच्या मार्गदर्शनाखाली सात सहकारी काम करतात. त्यांच्या क्लिनिकमध्ये एक्सरे, सोनोग्रापी, हाडांच्या शस्त्रक्रिया, दातांच्या शस्त्रक्रिया आणी सर्व लहानमोठ्या गुंतागुंतीच्या शस्त्रक्रिया केल्या जात आहेत.
    डाॅ.अमोल यमगर यांचे शालेय शिक्षण हे दि फ्रेंड्स असोसिएशन जत संस्थेच्या बालविद्यामंदिर व जत हायस्कूल जत येथे झाले आहे. तर येथील श्री.रामराव विद्यामंदिर हायस्कूल व ज्यू.काॅलेज जत  या ठिकाणी त्यांचे उच्च माध्यमिक शिक्षण झाले आहे. वैद्यकीय शिक्षण हे मुंबई पशुवैद्यकीय महाविद्यालय परेल, मुंबई या ठिकाणी झाले आहे. पदव्युत्तर शिक्षण नवसारी (गुजरात) येथे तर पी.एच.डी.मुंबई पशुवैद्यकीय महाविद्यालयात केली आहे. पदव्युत्तर शिक्षण आणी पी.एच.डी.मध्ये डाॅ.अमोल यांनी प्राण्यांच्या शस्त्रक्रियेबदद्ल संशोधनात्मक काम केले आहे. आतापर्यंत विविध प्राण्यांच्या चॅरिटेबल संस्थामध्ये अल्प मानधनावर त्यांनी कामे केले आहे.
    नुकतेच इंडियन सोसायटी फाॅर व्हेटरनरी सर्जरी (ISVS) या राष्ट्रीय पातळीवरील संघटनेतर्फे पशुवैद्यकीय क्षेत्रात उल्लेखनीय कार्य केलेल्या पशुवैद्यकांना पुरस्कार देऊन त्यांच्या कार्याचा गौरव केला जातो यामध्ये डाॅ.अमोल यांना दि.१८ ते २० डिसेंबर २०२४ या दरम्यान राष्ट्रीय परिषद गुवाहाटी (आसाम) येथे भरलेल्या वार्षीक सम्मेलनात अप्रेसिएशन अवार्डाने मान्यवरांच्या उपस्थितीत सन्मानित करण्यात आले.
    डाॅ.अमोल यमगर हे पशु ,पाळीव प्राणी या संदर्भातील मार्गदर्शक लेखन, वैद्यकीय नियतकालिकांतून, स्तंभ लेखन नियमित मासिकात व वर्तमानपत्रात करतात. त्यांना दुस-यांदा मिळालेले हे राष्ट्रीय पातळीवरील पारितोषिक आहे. त्यांना दोन वेळा मिळालेल्या देश पातळीवरील पुरस्काराबद्दल त्यांच्यावर वैद्यकीय क्षेत्राबरोबरच सर्वच क्षेत्रातील मान्यवरांकडून कौतुकाचा वर्षांव होत आहे.